navigation
Text schließen
Do hots brennt

Do schau her
sogt de kloa zu Peter
Schau grod do
wos i gfundn ho

Ui ´s ja geil
sogt dodrauf da Peter
kimm hinter d´Stiang
miass ma ausprobiern

D´Augn san glänzad
die Funken fliang glei

Do hots brennt
wias no niamois brennt hot
feuerrout hots am Himme gleicht
d´Leit ham g´schrian
wias no niamois schrian ham
s'Feier hot bis zum Himme greicht

d´Siren hot pfiffa
und d'Leit san rumgrennt
her und hi
koana woas wohi

D'Hitz hot druckt
wias no niamoi druckt hot
d'Luft war schwar
und da Schnaufa rar

S´Hoiz hot kracht
wia no niamois kracht hot
s'ganze Dach
gibt da Hitzn nach

Do hots brennt
wias no niamois brennt hot
feuerrout hots am Himme gleicht
d´Leit ham g´schrian
wias no niamois schrian ham
s'Feier hot bis zum Himme greicht

Jetz hams glaubt
wos ma ned hot glaum woin
Aus und gar
jetzt wars wirklich wahr

Dann wars frisch
und da Wind is feucht worn
wassrigtriab
ziagt a Wedda via

Dann hots grengt
wias no niamois grengt hot
d´Leit ham gschaut
nur da Regn war laut
Dann hams tanzt
wias no niamois tanzt ham
und voller Freid hot die Musi gspeyt

                                © Haglmo 2009


rauf