navigation
Text schließen
Sonntagsruah

Hallo, es ist famos
es singt jetzt klein und groß
machts eire Ladn zua
heit is ja Sonntagsruah

Aus is mit Müh und Plog
ma derf den ganzn Dog
wanns Wetter is so schön
spazierengehn

Die Kellnerin singt, da Hausknecht pfeift
da Bader heit mit Lust einseift
da Schneider schreit so froh meck, meck
da Schuster gfreit se und da Bäck

Und d´Schankkellnerin im Bräuhaus drin
de hot dabei ihrn größten Gwinn
ihr Taschengeld nimmt riesig zua
heit durch die Sonntagsruah

Es hots a Baunerknecht
am Sonntag aa ned schlecht
er bleibt bei Ochs und Stia
zu Hause zum pläsir

Jedoch hot die arme Kuah
am Sonntag aa koa Ruah
weil man die Milch doch braucht
am Sonntag auch.

Die Dirn, die sitzt im Kuahstoi drin
und melkt drauf los mit frohem Sinn
da Knecht der schleicht se hoamle nei
und zwickt ihr glei in d´Wadl nei

Da wird gelacht, geherzt, geküsst
die Dirn aufs meicha ganz vagisst
und somit hot de liabe Kuah
auch ihr ihre Sonntagsruah

Am schönsten aber is
am Land der Sonntag gwiss
irgendwann die Kirch is aus
und alles strömt heraus

Ins Wirtshaus zieht man hin
do bleibt ma sitztn drin
solang des Fassl lauft
zum Schluss wird grauft

Da Hans der packt an Schorsch beim Krogn
am Hiasl wird da Arm oschglong
am scheensten schaugt da Maxl aus
dem hängt das ganze Aug heraus.

Da Gruber Michi liegt im Sterbm
an Schädel voller Masskruagscherm
so feiern wir von spat bis fruah
am Land de Sonntagsruah

                                Trad.


rauf